पृष्ठभूमिः

२०४२ सालदेखि नारायणी अञ्चल यातायात व्यवस्था कार्यालय, पर्सा, वीरगञ्जको शाखा कार्यालयको रूपमा स्थापना भई सोही कार्यालयकै कर्मचारीहरूलाई आलोपालो कर संकलनको लागि खटाई सेवा शुरू भएको । यातायातका सवारी साधनहरूको संख्या बृद्धि र कार्यचाप बढेपछि नेपाल सरकारको मिति २०७१।०४।३० गतेको निर्णयबाट छुट्टै कर्मचारी दरवन्दी रहने गरी यातायात व्यवस्था विभागको मातहत रहनेगरी यातायात व्यवस्था सेवा कार्यालय, हेटौंडाको स्थापना भएको हो । खासगरी अस्थायी मार्ग ईजाजत (पटके), मार्ग ईजाजतपत्र नवीकरण र सवारी कर, शुल्क, दस्तुर तथा जरिवाना संकलन गर्ने मुख्य जिम्मेवारी दिइएको र सोहि अनुरूप सञ्चालन हुँदै आएको हो ।

नेपालको संविधान बमोजिम देश संघीय संरचना अन्तरगत रूपान्तरण भए पश्चात नेपाल सरकार (मा.मन्त्रीस्तर)को मिति २०७५।०८।२० को निर्णय अनुसार तत् तत् कार्यालयमा व्यवस्था रहेको मौजुदा कर्मचारी दरबन्दी र संरचना समेत सोहि बमोजिमनै रहने गरी प्रदेश सरकारमा हस्तान्तरण भई यस कार्यालय हाल बागमती प्रदेश सरकारको भौतिक पूर्वाधार विकास मन्त्रालय मातहत संचालित छ । 

सवारी साधन दर्ता, नवीकरण, सवारी जाँचपास, मार्ग इजाजतपत्र र सवारीचालक अनुमतिपत्र तर्फका सबै कार्यहरूः नयाँ दर्ता, लिखित तथा प्रयोगात्मक परीक्षा संचालन, नवीकरण, प्रतिलिपि सम्बन्धी कार्यहरू प्रदेश सवारी तथा यातायात व्यवस्था ऐन, २०७५, सवारी तथा यातायात व्यवस्था नियमावली, २०५४ र सवारीसँग सम्बन्धीत सम्पूर्ण प्रचलित कानून बमोजिम कार्य गर्नेगरी प्रदेश सरकार, बागमती प्रदेशको २०७५।०९।२३ को निर्णयानुसार अधिकार प्रत्यायोजन भई यातायात व्यवस्था सेवा कार्यालय, हेटौंडाको नामबाट कार्यालय संचालन हुँदै आएको छ । तथापि कार्यालयको दरवन्दी संरचना भने साविककै यथावत रहेको छ । 

मुख्य कामहरूः

• सवारी साधन कर संकलन
• रुट पर्मिट जारी तथा नविकरण
• जाँचपास
• अस्थाई रुट इजाजत पत्र (पटके)
• सवारी दर्ता (साबिक बागमति अञ्चलमा दर्ता भई लिलाम भएका सवारी साधन समेत,  लिलाम दर्ता)
• सवारीचालक अनुमति पत्र नविकरण तथा नयाँ जारी
• वर्कशप तथा सवारीचालक प्रशिक्षण केन्द्र दर्ता, अनुगमन, नियमन
• यातायात सेवा पञ्जिकरण राजमार्ग अनुगमन

कार्यक्षेत्र:

प्रदेश सरकारबाट हाल यातायत कार्यलयका लागि कार्यक्षेत्र नतोकिएकोले यस प्रदेश अन्तरगतका १३ वटै जिल्ला लाई समेटेर यातायात सम्बन्धी सेवा प्रवाह भईरहेको । साथै अन्य प्रदेशमा दर्ता भएका सवारी तथा अन्य प्रदेशबाट जारी सवारीचालक अनुमतिपत्र भएतापनि यस प्रदेशमा स्थायी बसोबास गर्ने सवारी धनीहरुलाइसमेत सेवा प्रदान गरिएको ।